بقلم عصام السيد شحاتة
وقفة في الظلام، ليه الليالي دي
بتفصل بين قلبين كانوا عشقين
أيامنا كانت نهر من ضحك وأسرار
لكن الرياح هبت، وغيّرت كل المسار
عيونك، يا روحي، كانت النجم اللي يهدي
واللمسة من إيدك كانت دوا لجرحي
ليه الزمن يلعب في خيوط القدر
ويهدم قصر الحب اللي بنيناه ويروح هدر
كل لحظة بعيدة زي سكين في الصدر
بتقطع الذكريات، وتسيب الجرح مفتوح
بس في القلب ده، حبك لسه ينبض ويبوح
مش هيخمد، ولا هيغيب، مهما طال البعاد
وقفة ليه الأيام كده بينك وبيني
تخليني أنادي، وصوتي يضيع في الرياح
لكن الأمل ده، زي شمس بعد عاصفة
هترجعنا لبعض، وتمسح كل الهموم والجراح
