مصطفى الجزار
عبر اهل الإسكندرية ومحبى الإسكندرية فى صفحتهم التواصل الاجتماعى على عميق حزنهم من إزالة ترام الإسكندرية الشهير منذ أكثر من ١٥٦ عاما وسيختفى الاى الأبد من اول فبراير ٢٠٢٦.
واجمعت ام مريم أن ذلك ليس
تطوير ده جريمة كاملة.
يعني إيه مدينة بحجم الإسكندرية بتاريخها بروحها يتعمل فيها كده؟ يعني إيه يبقى عندنا ترام اتأسس سنة 1860 من أكتر من 166 سنة أقدم ترام في أفريقيا والشرق الأوسط وتراث عالمي المدينة كلها معروفة بيه و نبيعه خردة؟؟ ده اسمه تطوير ؟!
ولَّا اسمه ذبح التاريخ على الأسفلت؟!!! يعني إيه يبقى عندنا ترام مصنف من أكبر وأطول عربات الترام في العالم ونرميه خردة؟ يعني إيه يبقى عندنا الترام الدورين اللي العالم كله كان بييجي يتفرج عليه وسِعة استيعابه كانت تقارب 1000 راكب ونستبدله بحاجة أقل وأصغر وأرخص؟ ده تطوير ولَّا اسمه إهانة لإسكندرية؟ يعني إيه خط زي سيدي جابر الشيخ يتلغي؟ يعني إيه محطة زي بولكلي تتشال؟ يعني إيه محطة قدام مستشفى زي الشبان المسلمين تختفي؟ يعني إيه محطة زي كامب شيزار سجل مدني ومستشفى تتلغي؟ يعني إيه محطة زي محمد محفوظ وسط آلاف السكان تتشال؟ هو ده تطوير؟ ولَّا اسمه قطع شرايين مدينة؟ وبعدها تيجي المصيبة الأكبر… محطة زي سوتر مش محطة والسلام ، دي محطة فيها مجمع كليات وأكبر مدارس التعليم الفني في الإسكندرية! ومدارس إعدادي وثانوي وعشرات المدارس على طول خط الترام.. الترام ده كان بيخدم آلاف الطلبة يومياً كان بيوفر وقت وبيوفر فلوس وبيحمي الأهالي من ذُل المواصلات وزحمة المشاريع.. تشيل ده كله وتسميه تطوير؟؟ ده مش تطوير.. ده عقاب جماعي وقتل بدون رحمة لولاد البلد.. وبعدين تيجي الضربة القاضية.. ترام كان ماشي وسط النجيلة والأشجار اللي هي هوية اسكندرية تحولوه لمسار خرسانة ميتة بلا روح ولاهوية! هو احنا بنطوّر ولا بندفن؟ الإسكندرية مش لعبة اسكندرية مدينة الكوزمو بوليتان أقدم مدن العالم.. ترام الرمل فيها مش مواصلات.. ده ذاكرة مدينة.. وأوروبا اللي بتفهم اللى المفروض حارتنا اللى علمتهم الحس الجمال… عندهم خطوط ترام أقدم حافظوا عليها وشغلوها سياحياً وخلوها مصدر دخل وواجهة حضارية. إحنا بقى ؟ بنبيع التراث خردة.. والأبشع… مين اللي وافق؟ مين اللي قرر؟ إللي بيقتل الإسكندرية مش من ولادها.. إللي بيقتل الإسكندرية دخيل من اللي بينزلوا البحر بالأندر ويمشوا في الشارع بيه.. دخيل لا يعرفها ولا بيحبها.. يريد طمسها.. يريد مدينة بلا روح ولا ذاكرة.. إحنا مش ضد التطوير.. إحنا ضد محو الإسكندرية.حرام عليكم تقتلوا ذكرياتنا .
