أشرف عبدالباقي على فيسبوك :سامح حسين فنان مجتهد

كتب / مصطفي الجزار

أشار الفنان اشرف عبد الباقى من خلال صفحتة الفيسبوك أن الفنان
“سامح حسين عامل برنامج حلو أوي اسمه قطايف، وسامح بعتبره أخويا الصغير، من يوم ما قابلته وهو عامل معايا دور صغير في مسرحية اسمها حلو وكداب، شوفت انه هيبقى ممثل كوميدي شاطر، وكان بيعمل مجهود كبير في أكتر من مجال جنب التمثيل، وشاب جدع ويعتمد عليه

ولما اتعرض عليا فيلم لخمة راس رشحته واتقابلت أنا وهو واشتغلنا على الشخصية وحقق نجاح في الدور وده شجعني ارشحه في راجل وست ستات
وبعدها ربنا كرمه لمجهوده وحبه للشغل وانطلق بعدها

ووقت ماكنت بعمل مسرح مصر اتفقت معاه انتجله مسرحية للأطفال اسمها علي بابا وبرضو كان قد الثقة، وحالياً لقيته عامل برنامج على السوشيال ميديا هايل وهادي ومناسب جداً لرمضان.. ألف مبروك النجاح يا ابو السماميح.”