بقلم / عصام السيد شحاتة
يا قلمي بوح بكل أوجاعك،
اكتب عن اللي باعك وخانك،
اكتب عن فراق الأحباب،
اللى راح واللي غاب
عن اللي جرحك وسابك، بتنزف من جواك.
اكتب عن الضمير اللى اتباع
عن النفاق والكذب والخداع.
اكتب عن شباب غرقان في المخدرات،
وعايش في الضياع،
اكتب عن الألم والأوجاع،
عن التوها اللي عايشنها والدنيا اللي مش فاهمنها.
اكتب عن الناس، عن الإحساس،
عن الضمير والقلوب اللي بتنداس،
عن قلوب مليانة قسوة،
عن دنيا ما تسوى،
وعن صحبة ما بقيتش موجودة.
عن الوجع اللي جوانا
عن الدنيا اللي سرقانة
عن الاخوة والابوة عن الاهل والاصحاب عن الناس والاحباب
اكتب عن أحلامنا اللي مش لقيناها،
عن الظلم والآهات،
عن الذكريات، والعمر اللي فات.
