كتب / مصطفى الجزار
يا جبل اللى بعيد خلفك حبايبنا هكذا تغنت فيروز بنت لبنان .
لا أحد فى العالم العربى الا واستمع إلى فيروز الشرق فلها بصمتها على الأغنية العربية .
أنجبت المطربة فيروز بستان وولدان وهم :
فيروز و أبناءها :
“ليال” : ولدت عام 1960، وتوفّيت عام 1988.
“ريما”: ولدت عام 1965،وهي كاتبة و مخرجة.
“هالي”: ولد عام 1958، و هو مُقعد.
“زياد”: ولد عام 1956، وهو صحفي و كاتب و ملحّن. وتوفي اليوم عن عمر يناهز 69 عاماً ليجدد اليوم برحيله الحزن في قلب فيروز المتعب..
في سنة 1973، زياد كان لسه شاب عنده 17 سنة، ولقي نفسه قدام لحظة صعبة جدًا في حياته لما والده عاصي الرحباني اتعرض لنزيف حاد في الدماغ وهو بيحضّر لمسرحية “المحطة”، ودخل المستشفى. في واحدة من أكتر اللحظات المؤثرة، فيروز طلعت على المسرح تكمّل البروفات، ولما شافت كرسي عاصي فاضي، الحزن غمرها وسكتت، وساب الغياب أثر كبير فيها. منصور الرحباني، أخو عاصي، لاحظ ده، وكتب كلمات بتعبر عن ألم الفقد، وطلب من زياد إنه يلحنها. كانت أول تجربة لزياد في التلحين، وكانت لوالدته فيروز، وكانت النتيجة أغنية “سألوني الناس”
سالونى الناس عنك يا حبيبى
كتبو المكاتيب و اخدها الهوا
بيعز على غنى يا حبيبى
و لاول مره ما منكون ســـوا
سالونى الناس عنك سالونى
قلتلهن راجع اوعى تلومونى
غمضت عيونى خوفى للناس
يشوفوك مخبا بعيونى
و هب الهوا و بكانى الهوى
لاول مره مـــا منكون ســوا
طل من الليل قال لى ضوى لى
لاقانى الليل و طفا قناديلى
و لا تسالينى كيف استهديت
كان قلبى لعندك دلـيـلى
و اللى اكتوى بالشوق اكتوى
لاول مره ما منكون سوا
الغريب إن عاصي لما فاق وسمع الأغنية اتضايق جدًا، واتهمهم إنهم بيستغلوا مرضه، ورفض إن الأغنية تتعرض في المسرحية، لكن في النهاية اقتنع، والأغنية نجحت نجاح كبير وبقت من علامات فيروز والرحبانية
وبعدها بسنين، ومن لحظة إنسانية تانية، اتولدت أغنية “كيفك إنت”. زياد وقتها سافر برا لبنان عشان يتجوز حبيبته دلال كرم رغم وجود تحفظات عائلية، وبعد غياب طويل، رجع لبنان من غير ما يبلغ فيروز، وقابلها صدفة، وسألته: “كيفك إنت؟ عم بيقولوا صار عندك ولاد؟ وكملت كلامها أنا والله كنت مفكرتك برات البلاد”.
اللحظة دي أثرت فيه جدًا، فكتب الأغنية ولحنها، وسجلها بصوته، ورح قدملها الأغنية بنفسه، لكن فيروز وقتها رفضت و قالت له مازحة: “بس ييجي الكهربا”. زياد أصر، وخلّاها تسمعها، وبعد ما خلصت، سألته: “هيدي شو بدنا نعمل فيها؟”. فيروز كانت مستغربة من بعض الكلمات، خاصة “ملا إنت”، لكنها بعد تفكير وافقت تغنيها، وفعلاً بقت واحدة من أنجح وأقرب الأغاني لقلوب الناس.
زياد الرحباني.. الموهبة اللي سبقت عمرها.
ماكانش مجرد ملحن أو مؤلف موسيقي، كان حالة فنية متكاملة، فيها عبقرية وفكاهة، حزن وسخرية، تمرد وحب. أعماله المسرحية شكلت جزء لا ينسى من ذاكرة الفن العربي.
وبرحيله، خسرنا صوت حر، لم يجامل لا سلطة ولا جمهور، وكان فنه دايمًا مرآة لواقع متقلب، وحلم بوطن .
